心急人※私生活

2009年9月18日星期五

20090918_長隆之旅※酒店篇※

文章日期：09/18/2009 11:25 pm

成日聽人講長隆好靚，心急人想去好耐，今日終於起行啦～Join 中旅社＄1635兩個人包一晚酒店連早餐、去程紅磡至廣州火車（廣州至酒店shuttle)、動物園入場券及餐飲現金券RMB50,低玩過去三正半山呀！
今朝一早8:20am坐火車，心急人好耐無坐過火車，原來依家火車係兩層，好舒服架～
10點幾到廣州，等咗一陣就坐豹紋shuttle向酒店出發

40min 後到酒店，酒店好有南非迷城嘅感覺

11點幾未有房，唯有坐吓行吓飲番柸welcome drink先啦¬

跟住去蝴蝶谷醫肚，用埋RMB50 coupon，環境服務唔錯，但食物真的麻麻啦......為求方便夜晚都要係到開餐.....

終於有房啦，房間都好大，好舒服喎！

2009年9月14日星期一

8號風球

文章日期：09/14/2009 09:56 pm

星期日返香港仔食飯，一落車好似倒水咁行雷閃電，心急人成身濕哂，巴士站仲水浸，但食完飯出嚟條街乾哂。以為星期二先掛八號，點知個風今日就到。

今日上午打俾媽咪問颱風進度，佢話新聞講：考慮會否喺黃昏前或者後改掛八號風球，真係好難明~

結果6點掛八號，心急人都係6點走，同平時無分別，好在地鐵站唔係咁多人啫!

其實個風都唔係咁近，但真係好大風呢~

(轉自天文台)

2009年9月11日星期五

好好護理

文章日期：09/11/2009 11:41 pm

做完手術怕有水入眼,心急人星期六(22/8)去咗樓下salon洗頭,好低$40洗剪吹，髮型師幫心急人吹直哂d髮 ,好似做負籬子咁，心急人好耐未見過自己直髮啦~
其後成個星期都係靠媽咪幫心急人洗頭，真係唔該哂 ...想用少d時間洗頭，頭兩星期都無搽gel，周身唔舒服~

醫生話手術後四日可以化妝，但心急人唔敢化。頭兩個星期都有帶太陽眼鏡，第三個星期搽番少少eye shadow，卸妝用:

好乾淨，好方便ga~

原本911才覆診，但心急人隻眼好乾，乾到好似跌出嚟咁，又頭痛，一日要滴兩支人做淚水都係乾，忍唔住打電話養和改時間，結果早咗一個星期(4/9)。

張醫生話心急人隻眼好好無問題，只是眼乾問題，佢俾咗eye gel俾心急人夜晚搽完瞓。但心急人搽咗三日情況都差唔多，結果9/9心急人忍唔住係公司panel doctor搵個眼科醫生睇，醫生話心急人個手術做得好好，傷口埋得好好，係對眼真係乾咗d，佢俾咗隻super 潤嘅人做淚水 & eye gel俾心急人，依兩日好好多啦~

2009年8月24日星期一

法國麵包蟹

文章日期：08/24/2009 11:00 pm

因為有張8月尾到期嘅coupon, 所以今日加餸

原本張coupon喺$128(細size蟹+一份翡翠螺6隻)，心急人+$30轉咗中size蟹，成隻蟹蓋都係膏，不過蟹肉唔夠鮮甜，始終唔係新鮮~

2009年8月21日星期五

是好是壞？！

心急人5點半就起身，一家三口6點9出發......去銅鑼灣飲茶，爹哋走先返工，心急人同媽咪就坐到8點半，今日早到

今日要驗眼，心急人已經無近視，但仲有少少散光，多咗遠視，醫生話會慢慢調節。

今日起身，除去眼罩，好開心見到嘢啦!不過頭三個星期心急人會帶太陽眼鏡

，因為唔可以化妝，怕化妝品入眼發炎。

為心急人做手術係最有經驗嘅張醫生，但心急人做完後感到矛盾......因為佢咁有經驗，佢覺得個手術好簡單，佢表現得過份輕佻，心急人就好似過份緊張，令心急人唔敢問問題......正常手術後一星期後及一個月後會有覆診，但佢一句無須要，心急人原本有兩次覆診機會縮為一次，安排手術後三星期後覆診，即911。

其實心急人並不擔心手術過程，只擔心手術後的護理。

2009年8月20日星期四

手術順利完成

文章日期：08/20/2009 11:29 pm

終於等到8月20，今朝一早出門同媽咪飲茶，原本10點要到醫院，但心急人又遲到10點先去到銅鑼灣。

10點嘅銅鑼灣好少人

坐丁丁去到醫院已經10:25嘞～

去到登記同俾錢後，姑娘就帶心急人到一間房等候叫名，未坐定，姑娘已經叫心急人個名入手術等候區，媽咪要坐成兩個鐘等心急人。
入到手術等候區，心急人換過拖鞋及穿著醫院袍後，第一時間開着部ipop，然後姑娘不斷幫心急人滴眼藥水，當時心急人心情仍然平靜，直到姑娘帶心急人入手術室，心急人一坐在手術床就震，好驚～不到10分鐘已經完成第一part，又坐回手術等候區等，姑娘又不斷幫心急人滴眼藥水，好彩有部ipop咋......
等差不多二十分鐘，姑娘又帶心急人入手術室做第二part，心急人又震過，好驚......驚自己望唔定，會郁，差不多15分鐘又完成，又坐回手術等候區等。等二十分鐘，見完醫生就可以出去等攞藥。明天準時9:10覆診。
媽咪陪心急人第一時間坐的士返屋企，返到屋企食少少嘢，就瞓咗，成日唔可以睜開眼睛，睇唔到嘢真係好慘好悶～