Honeymoon - 20101024-31※Kok Samui

Honeymoon - 20101024-31※Kok Samui

文章日期：10/31/2010 11:40 pm

一直大家無商量過Honeymoon的地點, 亦無認真諗過這個項目,但當sweet home的出現,大家同時好想去BBK買家品。但心急人每年都會去BBK, Honeymoon又去好似有點過份,所以心急人選擇先到 Kok Samui 再到BBK, 一來可以真正休息享受陽光海灘, 二來可以盡情購物, 同時滿足大家的要求 。
常聽人說Kok Samui機票難訂, 心急人不需要直航機, 要經BBK轉機, 所以更難, 好彩一切順利。八日七夜的旅程,兩人旅費合共HK$12,000, 超值!!!
之前在萬寧換購29寸大行李箱，今日終於帶出門。Checkin 時，見到有成五六個人用同我一樣的行李箱，即時加上吉蒂貓。大家都好小心認領自己的行李,等大家確定正確才離開。

首四日三夜留在Kok Samui, 當地每間酒店都是向海, 而心急人選擇酒店要求只是交通方便。因為每程的士不論有多近都要HK$100, 交通費十分昂貴。酒店地點、環境、房間佈置都十分滿意呢!晚上沙灘旁全是餐廳, 心急人一邊用餐一邊欣賞烟花及旅客放孔明燈, 好浪漫呀~

來Kok Samui, 主要節目包括參加一天local tour 去浮潛,還有去做massage。第一次聽住海浪聲雀仔聲做Thai massage, relax relax!!

Sweet Home

好忙好忙......公私兩忙~

最忙最煩就係要解決住屋問題，其實早於二月已經開始搵樓，但一直唔合心水，但樓價就一直上升，都幾擔心架~

上星期六心急人同勞力士無心插柳睇咗個超合心水嘅單位，終於搵到"the one"啦!但價錢就係全屋苑最貴一個單位，可以說是創新高...

經過詳細考慮，勞力士今日10:30pm簽咗暫時買賣合約啦~

北京20100515-18

北京20100515-18

文章日期：05/15/2010 11:57 pm

結婚前很多瑣碎事要處理，同時間又想出外輕鬆一下，結果即興問闊太有無興趣到北京，她已跟旅行團去過，但亦一口答應，非常爽快

今次機票唔貴，住的旅店不是酒店而是商務旅館，簡單乾淨，沒有早餐供應，地點在西單，新華社旁邊，交通尚算可以。

心急人第一次去北京，感覺好特別，好似回到古代，周圍建築物都有n年歷史。在街上遇見外國人機會比在香港還要多，十分國際化，首都真是不同其他中國城市。但依然聽到吐啖聲。。。

入住房間

心急人應該著古裝....

這餐飯算昂貴,但間餐廳真的很美。

心急人唔敢用這個洗手間....

 

詳情: http://hk.myblog.yahoo.com/vivi-diary/article?mid=1452
非常詳盡

Rainbow + Monalisa揀相日

Rainbow + Monalisa揀相日

文章日期：04/02/2010 11:50 pm

勞力士返香港前,心急人已經約咗Rainbow睇name tag&喜帖樣板。下雨天, 心急人按照Sue指示，好容易就搵到Rainbow。Rainbow 在葵興工廠大廈內，只有一間房嘅面積已可以陳列各式各樣產品樣板。Sue十分了解大舞台嘅環境，仲講咗好多tips俾心急人&勞力士知呀!

希望快d收到name tag初稿啦!

勞生返來之日就係去馬灣揀相之時嘞~

等咗一個月終於去 Monaliza 揀相啦，心急人揀得好快手，因為醉翁之意不在酒.....心急人放棄要5R相架相，而俾咗勞力士放單人相，連Sales都覺得出奇，佢見到心急人嘅反應，都費事 sell 心急人同勞力士囉~

埋單$11,000
跟住又係馬灣食埋先坐船

 

借庫

借庫

文章日期：03/11/2010 11:31 pm

今年係心急人第二年借庫,人哋話一借要連借三年。同朋友食完飯, 11點先開始係旺角排隊,無想像中咁多人, 不過拜完都2點8啦~

今年借多咗, 可能觀音知心急人今年會用多咗錢啦~

食完嘢返到屋企都成五點先瞓呀!

小別一個月

勞力士要去泰國business trip 一個月 (2/3/2010 至 31/3/2010), 公司離曼谷市中心成個半鐘車程,所以要留在公司宿舍。心急人每日都會同勞力士idd & skype, 比佢係香港仲講得多嘢, 唔怪得人哋話小別勝新婚啦~

泰國紅衫軍又搞事,真係有少少擔心佢, 不過佢又話唔驚, 仲好enjoy每個weekend 去bangkok shopping

Monalisa 影相日

Monalisa 影相日

文章日期：03/01/2010 11:33 pm

噚日同勞力士就去咗旺角同玄學斌飲茶, 飲完茶去咗金都行一陣,跟住搵傳聞中嘅樓梯底阿伯買婚紗鞋,都容易搵,$80 成交咗~

仲要去花墟買花做頭花, 因為好難搵到開哂嘅花，而小牡丹又係貴，買買下都買成$100......顛咗~

為準備今日影相, 2月28日勞力士去咗拎花球啦。

一早出發, 心急人同勞力士都係穿白色波鞋, 穿足成日無換過鞋, 因為攝影師Kevin話影唔到對鞋，所以$80婚紗鞋無穿過。

在維德olive食早餐後, 行去碼頭。因為剛剛走咗班船，要等多半個鐘，結果遲成個鐘先去到呀!
第一個造型心急人要求用自己頭髮唔加假髮，加鮮花配輕巧白婚紗。好彩個化妝師好有經驗，勁快手，12點15分出車向山頂出發。沿途Kevin不斷問心急人同勞力士鍾意乜嘢唔鍾意乜嘢, 都幾好傾呀!上到山頂好多遊客，好多部相機對住心急人呀, Kevin問心急人驚唔驚, 心急人一點都唔驚, 仲覺得自己好似明星tim
回程時, Kevin仲幫心急人同勞力士order 飯盒, 都幾細心架~
第二個造型Lilian話加假髮，但心急人唔鍾意太長要求短少少再加鮮花配粉紫色晚裝。食完飯，接住要去馬灣公園影相, 其實馬灣公園好細咋~
心急人同勞力士要求取消影沙灘，結果多咗好多時間影室內。
第三個造型Lilian話側邊加少少假髮加珍珠頭飾配白色婚紗。第一&二個造型Lilian都用咗紫藍色眼影，心急人諗住戶外都可以淺色d, 就無要求加上紫色。到第三個造型心急人要求Lilian加深紫色眼影。心急人最鍾意依個造型又鍾意影室內，所以影咗好多張相。影完室內，就等青馬大橋開燈，等咗一陣影埋就收工啦~
依張係唯一一張用心急人相機影嘅相, 心急人話同攝影師影番張相先有咋...好高大靚仔嘅攝影師Kevin(手持相機)及好怕羞嘅Alan。今次心急人無搵錯攝影師及化妝師, 當然要多謝blog友分享啦~

行到出碼頭成8點, 半個鍾一班船，都係食埋先走啦~
$49一個餐,有例湯及餐茶，幾好食喎~

坐九點船返中環, 今日完滿結束~