派彩(2008)

今日對六合彩，心急人又中咗七獎$20。雖然唔係多,但都開心呀,話哂係lucky money 嘛!

心急人一向有買六合彩習慣，並且鎖定心水號碼，每期都會參與，一買會買2條30期($300)......係時候來個半年結算，截止今期(76期)為止，共中了2次$150及5次$20......成績不及上年喎!

心急人買六合彩等如買個希望，如果唔買即係連希望都無喔!

殺神特工(Wanted)

昨日下午心急人在九龍上堂，落堂後便去了圓方買戲票。成齣戲好亂、好浮誇、劇情有點牽強及無聊...... 同事J睇到一半瞓咗tim

今日心急人才知道這齣戲好評如潮......

更上一層樓@肇慶

一行三人坐12:30pm火車到肇慶，心急人到火車站才知道車程要四小時，被嚇了一跳......初時心急人還以為兩個多小時呢!

準時4:30pm到達肇慶，朋友屋企就在火車站附近，大約十分鐘就到啦!......一入屋，三人不約而同地..."嘩!!好大呀!!"

(大宅入口 - 大宅樓高四層，這是從二樓窗戶拍下)

(花園的一部份)

(花園內的錦鯉魚池 - 設有24小時濾水器)

(大廳 - 張茶几仲大過心急人張飯枱

)

(大廳樓底有兩層樓高才可以放下三層的吊燈)

(先放下行李，便全屋參觀一下，之後我們來到茶室品茗閒聊，相當寫意喔!)

肇慶有兩個旅遊景點好出名，一個係七星岩(坐船遊星湖)，另一個係鼎湖山，今次心急人就去咗鼎湖山

嘞!

(沿路有好多瀑布，水頭充足，可能之前落太多雨啦!)

(鼎湖山內有個蝴蝶谷)

T8 假期

心急人今日好自然瞓到差唔多10點鐘......hahaha......仲係T8。

不過天文台話中午前會改掛3號，因為之前約咗人食lunch，心急人一心諗住食完飯就返公司啦......

點知...lunch 取消咗

點知...同事們唔返工

點知...咁早改掛T3，都有一日意外假期

點知...心急人係唔慣的......

T8 - 風神賀壽

624, 媽咪生日 - Happy Birthday to Mommy, 最緊要身體健康啊!!

今日原定在尖吵咀食飯慶祝媽咪生日，但因風神來勢洶洶，最後媽咪決定留在屋企附近食飯慶祝。

跟往年一樣心急人預備咗媽咪最鍾意的現金作賀禮(haha...因媽咪最鍾意儲錢

)，今年還加咗一份媽咪一直沒擁有過的東西......心急人知道媽咪的心意喔!!

今朝心急人返工時天氣還是正常，中午如常出外午饍。下午心急人到天文台網頁看看熱帶風暴路徑圖，她真的很接近香港喎...4點幾就改掛三號，八號風球幾時掛呢?......結果等到11點幾先掛......咁聽日咪會好早落，要返工囉

!

coffee cookies

心急人一向喜歡咖啡味曲奇，今日終於試整咗啦！

(等待入爐）

(第二盤焗多五分鐘...黑咗DD!)

心急人用了上次曲奇食譜，加了咖啡粉及咖啡酒，還加多少少麵粉......但咖啡味仍不及東海棠的濃郁呢！

My 1st Muffin

昨晚整咗心急人的第一個muffin啦!

雖然唔難整，但好有滿足感喔!!

材料 (六個份量):

1. 無鹽牛油     50g


2. 
   
   砂糖             70g


3. 
   
   蛋                 1個


4. 
   
   低筋麵粉     85g


5. 
   
   可可粉         15g


6. 
   
   泡打粉         1 小匙


7. 
   
   鹽                少許


8. 
   
   牛奶            60 ml


9. 
   
   朱古力粒    適量

將材料依次序加入容器裡混合, 用湯匙舀入紙杯約 8分滿,  最後加入適量朱古力粒.   放入 170 度焗爐焗約 20 - 30 分鐘.

心急人今次冇依照食譜整:

1. 
   
   用咗無糖可可粉 (上次整tiramisu用剩)


2. 
   
   冇放朱古力粒 (怕甜)


3. 
   
   加咗杏仁片

甜度剛剛好，好香朱古力味