20/6 - 搵易天生擇日
一想到結婚,第一様嘢諗到要做就係擇日。 勞力士打俾易天生話佢知想出年年尾結婚,叫佢揀D星期五六日嘅 好日子。原本約咗易生上TST office傾, 但佢話office冇人,結果約咗係美麗華商場等， 佢只係揀咗出年11-1月嘅好日子， 其實心急人同勞力士覺得出年10月最理想，跟住佢就即場擇咗10月3 日。
21/6 - 大舞臺飲茶
心急人嘅理想婚宴場地唔係酒店,唔係酒樓,想特別少少,又要方便 ,想要中式,唔要西式……上網睇完幾個blog，覺得大舞臺好靚，咁就揀咗大舞台嘞~ 難得勞力士都鍾意 , 但係爹哋就話暗喎…(佢係唔係都有意見架啦,心急人同勞力士話事 ...哼~)
心急人好心急即刻約咗同事去大舞台lunch,順便問吓有冇人b ook先, 心急人諗仲有成年幾邊會咁快有人book, 仲諗會唔會等Expo訂會平D呢~….點知個侍應話10月3日已經有人落訂啦……吓……
因為大舞臺嘅檔期問題，心急人同勞力士決定改日期。先問咗大舞臺嘅available dates,跟住上網check吓好日子,發現出年十月四個星期三都係好日子,而星期五六日嘅好日子大舞臺已full哂,真係好生意...哎~
同勞力士商量過之後，決定揀平日，然後打俾易生再擇日，佢話13/10 同 20/10 都好，不過13/10就好DD啦......
20-10-2010好似幾得意幾特別，咁就20102010啦~~
(諗吓諗吓...搵易生擇日其實都係買個安心,同我自己擇冇乜分別)
28/6 - 晚飯 + 落訂
今日同勞力士去大舞臺食晚飯，六點九去到，個場好黑，因為依個場如果無人包場，就係食飯跳舞嘅地方。心急人同勞力士對大舞臺食物都滿意。食完飯，經理就帶心急人同勞力士睇場，大致上都滿意，只係新娘房比較舊，其實揀依個場預咗係舊o架啦~
跟住入新娘房傾Package，其實都無得講價，因為全部已經印哂係張contract上，只係送多幾磅蛋糕、幾張帖、兩部free packing咁......送咗等如無送......
決定咗依個場，都唔再諗lu，就落訂嘞～
