2009年8月21日 星期五
是好是壞？！
心急人5點半就起身，一家三口6點9出發......去銅鑼灣飲茶，爹哋走先返工，心急人同媽咪就坐到8點半，今日早到
今日要驗眼，心急人已經無近視，但仲有少少散光，多咗遠視，醫生話會慢慢調節。
今日起身，除去眼罩，好開心見到嘢啦!不過頭三個星期心急人會帶太陽眼鏡，因為唔可以化妝，怕化妝品入眼發炎。
為心急人做手術係最有經驗嘅張醫生，但心急人做完後感到矛盾......因為佢咁有經驗，佢覺得個手術好簡單，佢表現得過份輕佻，心急人就好似過份緊張，令心急人唔敢問問題......正常手術後一星期後及一個月後會有覆診，但佢一句無須要，心急人原本有兩次覆診機會縮為一次，安排手術後三星期後覆診，即911。
其實心急人並不擔心手術過程，只擔心手術後的護理。
2009年8月20日 星期四
手術順利完成
終於等到8月20，今朝一早出門同媽咪飲茶，原本10點要到醫院，但心急人又遲到10點先去到銅鑼灣。
10點嘅銅鑼灣好少人
坐丁丁去到醫院已經10:25嘞～
去到登記同俾錢後，姑娘就帶心急人到一間房等候叫名，未坐定，姑娘已經叫心急人個名入手術等候區，媽咪要坐成兩個鐘等心急人。
入到手術等候區，心急人換過拖鞋及穿著醫院袍後，第一時間開着部ipop，然後姑娘不斷幫心急人滴眼藥水，當時心急人心情仍然平靜，直到姑娘帶心急人入手術室，心急人一坐在手術床就震，好驚～不到10分鐘已經完成第一part，又坐回手術等候區等，姑娘又不斷幫心急人滴眼藥水，好彩有部ipop咋......
等差不多二十分鐘，姑娘又帶心急人入手術室做第二part，心急人又震過，好驚......驚自己望唔定，會郁，差不多15分鐘又完成，又坐回手術等候區等。等二十分鐘，見完醫生就可以出去等攞藥。明天準時9:10覆診。
媽咪陪心急人第一時間坐的士返屋企，返到屋企食少少嘢，就瞓咗，成日唔可以睜開眼睛，睇唔到嘢真係好慘好悶～
2009年8月4日 星期二
2009年7月19日 星期日
婚紗展
18/7 - 去嘅時候係1號風球,行行下3號風球,大家知道一定會掛更高風球,所以今日好多人,因為怕明天打八號,冇得行~
- 訂咗鴻運裙褂,俾咗$380
- 買咗奇華50張餅咭($48)&2張龍鳯餅咭($62),有八折,$2019
- 用HSBC簽帳換咗tea gift set
- 考慮喺cloud 9影婚紗相
19/7 - 在夜闌人靜時候才發八號九號風球,起身時經已三號風球,好彩完全唔影響今日心急人行程.....今日少人咗,因為打風?!
- 結果join咗mona lisa package $7988, 有大舞臺$1000 coupon, 埋單$6988
- 用HSBC簽帳換咗酒架 - 原本係米奇老鼠製沙冰機,但到心急人要換嘅時候已經換完,等到6點都未換款仲係酒架,唉.....
2009年7月18日 星期六
Leon _ Dream Wedding
今曰去完灣仔就搭隧巴嚟紅館,係場外見到好多熟口熟面嘅人,有位太太仲認得心急人,雖然叫不出彼此名子,但點點頭打個招呼,蠻有親切感呢~
今次經中銀信用咭訂門票
心急人希望好似Leon咁修身成功啦~
按Leon作風,成個演唱會兩個小時,冇encore。如果冇睇開Leon concert就會覺慊短,但對心急人嚟講兩個小時其實差不多,因為心急人又起身又坐低又搖螢光棒,再長D實攰死~
心急人希望好似Leon咁修身成功啦~
按Leon作風,成個演唱會兩個小時,冇encore。如果冇睇開Leon concert就會覺慊短,但對心急人嚟講兩個小時其實差不多,因為心急人又起身又坐低又搖螢光棒,再長D實攰死~
2009年7月17日 星期五
好似中六合彩~
心急人會join package做矯視, $22,000包手術費及五次覆診,唔會揀醫生做。如果要揀醫生都係揀張醫生(最貴最出名嘅醫生),咁就會好貴,計埋手術費及覆診費要成三萬幾,比package 多成萬蚊,隨緣吧~
心急人2:30pm 去到養和五樓, 心急人填完form, 姑娘就開始print label......心急人心跳加速......見到啦見到啦......張label有張醫生個名呀..
今日心急人自己一個人去做test,好彩唔太悶,間間斷斷做吓test又同闊太講吓電話,又識到個同我一齊去做test嘅女仔,仲交換咗電話tim......時間好快就到6:00走得lu~
心急人排咗8月20日做手術,希望到時順順利利啦!
訂閱：
文章 (Atom)