火龍果涼粉

今日喺放假前夕,原本約咗個人喺屋企附近食飯,心急人一早就返到屋企等佢電話啦......點知佢8:30pm打嚟話仲喺公司(即係中環啦~),仲有好多嘢做走唔到......咁唯有改期再約下個星期啦~

近期媽咪成日買涼粉放係雪柜,心急人見有個火龍果,就整咗依碗 "火龍果涼粉"嘞~

始終涼粉配西瓜好味d

H&M Wedding Party

今日係Mandy & Harry大喜日子, 恭喜!恭喜!!

心急人約咗T & A小姐係TST等, 點知A小姐又話有事自己去......唔知點解A小姐次次都有事......

今日心急人最失察係唔記得帶相機,平日都有帶出街,一換手袋就唔記得攞,唯有成晚用手機

啦!

新娘子一早講過要揀間有樓梯嘅酒店 - 真係好靚呀, 連上一層嘅賓客都走落嚟影相喎~

心急人一到場就同一對新人係依到影相

啦

成九點啦......心急人好肚餓......

A小姐話依間酒店婚宴D嘢好好食架......好期待

~

首先係皮脆肉嫩嘅燒乳豬,仲有心急人最鍾意嘅甜包包

原本一席有十二位,但心急人坐的只有十位,結果個waiter每碟都分得好多,心急人有兩隻帶子

唔通個waiter知道心急人肚餓, 佢又俾咗兩隻好彈牙嘅蟹拑心急人~

 

食埋依個菜, 心急人開始飽lu......

敬酒時間到啦......近距離見到新娘子,新娘子着住紅色晚裝,好靚呀!

間酒店嘅食物(樣樣都好味,除咗雪蛤燉紅蓮比較甜),環境,服務都唔錯呀!結果心急人俾咗excellent~

心急人原本想試試buffet,雖然有靚景,但D坐位好似太迫,唔多舒服喎~

Mamma Mia

今日終於要考試啦,下星期才知成績。

今日都算有驚無險,心急人坐地鐵才發覺忘記帶筆袋

,身上一支筆都沒有,結果要到便利店買支原子筆。(平日成屋都係筆,現在要去便利店買筆....唉!)

點知去到考試場,考試已經開始,個鐘快咗???......算吧.....搵到坐位,開始作答時......

吓......要用鉛筆......唉!早知唔買啦!!!!!......好彩考試場有鉛筆及1/10粒方糖size嘅擦膠供應。

考完試,當然要relaxxxxxxxx

心急人對d歌唔太認識,但成齣戲真係好好笑,睇完好開心架。

自上一齣The Devil Wears Prada之後, 心急人就鍾意咗Meryl Streep,雖然年紀唔輕(差不多六十啦),但依然好charming,心諗佢後生應該都幾靚嘅...

今日係youtube搵到

 

搬公司

今日要pack箱,準備明日搬office啦!!

今日較平日遲了點才返到公司,返到去見到各同事已經開始執嘢啦, 心急人半個鐘已經完成,其實得一箱東西......如果是以前公司,就慘千倍啦!!

今日是最後一日返上環office, lunch 就去咗一直想去嘅"蝦麵店"。下午時間,心急人主要幫秘書小姐執嘢......但結果都要成九點先離開office......心急人餓到呢~

之後緊係有同事J一早安排嘅節目啦......

星期一開始返新office,返屋企近咗,食lunch遠咗,有好有唔好囉.......心急人第二次同中環分開啦......唔捨得嘅感覺冇上次咁強烈嘞!

熊貓小姐結婚了

恭喜!恭喜!!......熊貓小姐結婚啦

!

心急人認識得最耐的一位好朋友,由中一到現在......心急人好開心見到好朋友出嫁呀!成個婚禮簡單而隆重,大家在酒樓一齊見證整個註冊過程呢!....當註冊時,靚靚新娘子像平時一樣的淡定,反而新郎哥就緊張到呢........

熊貓小姐知道心急人不是一位稱職的姐妹,所以委派心急人當MC

。初時知道要當MC,心急人並不擔心,到達現場時還十分雀躍呢!

原本熊貓小姐email了一份講稿給大家,心急人亦作了少許修改,不過Toga實在太忙了,未有時間預先翻閱,唯有到現場才對稿。對稿時,心急人才開始緊張

(遲了點~),大家同時感到份稿不太好,大家一齊發揮小宇宙。

心急人第一次當MC,有點緊張,好彩有Toga 在身邊,他的急才真的了不起呢!

原來當MC很好玩的!!

中秋節

今年中秋節正日為星期日。

Mum & Dad當然一早返去嫲嫲到mj, 心急人就係屋企hea番一陣啦!

是日午餐(成2點幾先食呀!):

紅米飯 + 紫菜碎 (6 個yummy)

再加粟米肉粒.....10 個 yummy!!

仲有甜嘅菜心,不過over cooked, 變黃咗,無影lu......

今日中秋節晚飯跟平時每月一次family dinner 一樣,但今日只得十二人,三人去了英國,一人去了台灣,不過依然熱鬧!

在巴士上,坐在心急人旁邊的是兩位來自南韓遊客,他們手持guide book, 問心急人應該在那個站下車可以去珍寶海鮮舫。這正是心急人要下車的車站,心急人便帶他們到碼頭等船到海鮮舫,途中他們向心急人透露他們剛剛去完馬爾代夫honeymoon,留在HK玩兩日便回南韓。點解心急人咁熱心呢?um......因為個韓國男人都幾靚仔架!!

食完晚飯,去了探豆豆&mo mo, 其實主要係見吓婆婆啫~

9:48開始坐亡命小巴出旺角, 途經薄伕林村時, 心急人第一次見到舞火龍

10:06 到達旺角.....因為司機超速,好似坐海盜船一樣,有離心力(尤其落斜時),落車時心急人真的想嘔~

這個是名符其實-天台的月光呀!心急人第一次企係天台賞月喔

!