一如以往，今日一早返嫲嫲家，好開心見到嫲嫲精精神神咁過年。
媽咪在過年前已將有BB一事告知嫲嫲，所以未夠三個月成家人都知道嘞~
今年心急人冇得食蘿蔔糕，有點失落
下午去咗勞力士姨媽家拜年，因佢姨媽有客人，心急人&勞力士白坐40mins
，之後佢姨媽先得閒...坐多10mins心急人&勞力士要返嫲嫲到食飯~(好無聊
)
一年見一次...下年仲要帶埋BB去
...
咁就過咗年初一啦~
2012年1月23日 星期一
2012年1月14日 星期六
嫲嫲入院
29/12嫲嫲發覺自已呼吸困難及四支無力，吩咐工人call白車入瑪麗。政府醫院中瑪麗算做好好的一間，一入院就同嫲嫲做全身檢查，又抽血又照肺。心急人同勞力士放工就趕往探嫲嫲，醫生說嫲嫲有少少心臟衰竭有少少腎衰竭，所以有肺積水情況。好彩嫲嫲完全清醒，還埋怨醫生唔俾水又唔俾食物佢。
醫生說要留院觀察，因為咁大年紀首次發現心臟病，唔可以用顯影劑怕腎臟承受不來，唯有用葯物控制。嫲嫲不能進食, 因為要排走體內水份，令肺積水情況改善。好彩嫲嫲在醫院內瞓得著，仲好清楚每日姑娘幫佢做過乜嘢，講得出俾家人知，家人都放心些。相信嫲嫲的記憶力全賴佢成日打麻雀所賜，連姑娘都話嫲嫲好精靈~
原本2/1為嫲嫲慶祝生日，已預訂的蛋糕要延期，大家都希望嫲嫲早日康復，可以一家人一齊食飯。因為嫲嫲本身有糖尿病，所以觀察日子要多一點，由原先瑪麗醫院再轉到上環東華醫院，合共住了14日到11/1才出院。
每次嫲嫲有事入院，心急人都好擔心，差唔多日日去探嫲嫲，真的心身疲累。
2012年1月4日 星期三
2012年1月3日 星期二
運送途中
心急人用iphone apps來計M小姐來臨日子, 一向十分準確。照計1月1日會來探心急人，當日有少少啡物出現，出街前仲走到萬寧買M用品，以為12月又落空。平時啡物出現不久，M小姐就來，但今次等到1月3日還不來只有啡物出現。用紅D綠D檢又好似有,但唔明顯…
到今日上午同朋友OO講, 佢仲嚇心急人話正常有咗唔會流啡，叫心急人立即睇醫生，仲介紹咗醫生俾心急人。OO完全知道心急人性格, 要唔洗等、唔好黑面、要有問必答、要就近，呢個醫生在中環超方便。
約咗4點, 去到等一陣就有得睇嘞~ 同醫生講完心急人情況後, 醫生就幫心急人照超聲波。照咗一陣, 醫生話乜都睇唔到, 太早期, 應該運送途中…
醫生話現階段流啡算是正常現象，唔好食生冷嘢、BBQ、Hotpot.....過兩星期返嚟再照啦~
心急人心情忐忑不安，而勞力士就半信半疑...
訂閱：
文章 (Atom)