今日一行五人去睇Wall E, 原本係睇英文版，最後揀咗中文版，睇完才發覺無分別，因為全齣戲都係冇乜對白，成齣戲"依依哦哦"......最好笑係......心急人坐係戲院睇依齣戲及見到同事J嘅無奈表情......
真係要多謝同事J今朝一早去買戲票呀！Thanks a lot!!
2008年7月29日 星期二
太空奇兵．威E (WALL．E)
2008年7月22日 星期二
2008年7月20日 星期日
TIRAMISU
心急人第二次做Tiramisu，上次做無加蛋的柸裝Tiramisu，今次考慮了很久才決定做傳統式Tiramisu，因為要放雞蛋嘛! 做傳統式比柸裝慳了不少功夫及時間，而口感味道亦比柸裝好得多呢!
(因為屋主沒有篩粉器，心急人用叉子洒上可可粉，有點粗糙感，美中不足喔!)
材料︰
Mascarpone cheese–500g; 糖霜 –45g; 蛋黃–3隻;
蛋白–3隻; 砂糖 –30 g
手指餅–12條
濃黑咖啡–1柸；咖啡酒–5湯匙
無糖可可粉 – 適量
做法︰
先準備濃黑咖啡待涼。另外，先將蛋白加砂糖打至企身備用。
蛋黃加糖霜用電動打蛋器打至忌廉狀，再拌入Mascarpone 芝士混合，最後將蛋白伴入芝士混合物。將咖啡和咖啡酒混合在容器內，將一半份量的手指餅獨立一條一條快快放在容器內沾上咖啡液，舖平在蛋糕模底。
將一半芝士料倒入；再舖上另一半沾上咖啡液的手指餅，倒入餘下所有芝士料舖平，放入雪柜至凝固，吃前洒上可可粉即成。
今日好開心呀, 有得玩、有得食、仲有錢贏tim....
為了今次活動心急人特別做了Tiramisu外,仲有蛋菜糕及朱古力muffin，不過無影相喎!...前一晚掛住睇Miss HK 囉~
(今日心急人在五十八樓露台BBQ)
(月光好圓喔!)
相片由冬冬提供
詳細版本: http://hk.myblog.yahoo.com/jackie-catcat/article?mid=534
2008年7月17日 星期四
房利美與房貸美
近日常常聽到這兩個名字，而且影響著全世界......心急人不明為什麼會有這個美麗的名字呢?
【明報專訊】房利美（Fannie Mae）與房貸美（Freddie Mac）的英文名稱聽來像祖父母名字，絲毫不像是房屋貸款商的名字。
房利美「Fannie Mae」的英文全名為Federal National Mortgage Association（FNMA），房貸美「Freddie Mac」的全名則為Federal Home Loan Mortgage Corporation（FHLMC），房利美房貸美這兩個「親切」名字，實是從其英文簡寫創作出來，「Fannie Mae」便由FNMA而來，房貸美則因與房利美為姊妹公司，故改了相似名字「Freddie Mac」。
2008年7月12日 星期六
柚子戚風蛋糕
睇過好多blog，個個都話戚風蛋糕好味，心急人未有焗爐已經好想整戚風蛋糕呢! 焗爐準備好，到戚風蛋糕模嘞，心急人睇過超過十個整蛋糕高手嘅blog，大家推介嘅戚風蛋糕模係KAI (17cm)售價為HK$253，好貴呀!!!!
(心急人經過一個月時間考慮，終於買咗嘞!)
因為一直無時間去灣仔買材料，結果去咗Sogo買日清麵粉＆柚子茶，下個星期一定去灣仔入貨~
今日心急人終於試整柚子戚風蛋糕，但...........哎......哎......哎
1. 把雞蛋分蛋黃同蛋白十分有難度，媽咪已經買咗個分蛋器，亦未能成功，結果浪費了一只蛋
2. 蛋白打過龍，結果個蛋糕濕咗d
3. 最大件事......心急人花咗一個月時間考慮，仲會袋埋把呎出街度個蛋糕模，驚過高入唔到爐（心急人個爐比較細），度好確定無問題先買.....結果到心急人把蛋糕模入爐時，才發覺蛋糕模高咗dd入唔到爐......點解會咁架!!!!!!明明係無問題ga嘛......心急人不理後果，將焗爐隔攞走，把焗盤直接放在發熱管上，再放蛋糕模......好彩最後順利入爐，但心急人個心停咗幾秒
4. 入爐後約十分鐘，戚風已經不斷升呀...升呀...升呀，到頂了......結果黑哂......不過濃的一面係蛋糕底，切咗黑色部份都可以見人
雖然第一次整遇到好多問題，但心急人會繼續整，因為真係好好味呀！
戚風蛋糕十分軟綿綿喔!!
材料(綜合咗N個食譜)：
a. 蛋黃 - 2只; 砂糖 - 20g
b. 柚子蜜 - 50g; 熱水 - 40g
c. 菜油 - 40ml
d. 低筋麵粉 - 70g
e. 蛋白 - 4只; 砂糖 - 50g; 鹽少許
準備:
1. 將柚子蜜與熱水拌勻
2. 將麵粉過篩2次
3. 焗爐預熱170度
做法:
1. 將(a)打勻至淡黃色
2. 加入柚子蜜汁及菜油拌勻
3. 用另一個盆把蛋白加鹽少許打至起泡，將糖分三次加入發打，直至蛋白豎起後有立角硬度為止
4. 1/3蛋白─>1/2麵粉─>1/3蛋白─>1/2麵粉─>1/3蛋白以fold in形式放入蛋漿混合
5. 麵糊倒入模，用刮刀整平雙手提起模在桌上輕敲，以消除麵糊空隙
6. 以170度焗30分鐘，出爐後倒扣，脫模即成
唔想浪費雞蛋，整咗冰糖蛋花大菜糕，將整蛋糕用剩嘅蛋加哂入去 (1只未能成功分到蛋黃蛋白的全蛋及2隻蛋黃，太多蛋啦!!)
大菜 - 10g
水 - 650 ml
冰糖 - 80g
雞蛋 - 1只 (今次特別多)
凍冰冰
踏入七月應該熱辣辣，又唔係喎，晚晚都係行雷閃電落大雨，心急人仲未用上竹蓆呢!
平時心急人好少食凍嘢，但就鍾意食雪糕，夏天到(雖然唔係好熱)心急人買咗一大堆雪糕雪條應節呢! Hazzgen Dazs 出咗新味道 - mango & passion fruit，唔太甜，酸酸地，幾好味喔!!
秘書小組推介依樽辣椒醬，好辣嘅心急人當然要買嚟試吓啦!果然同個牌子一樣 - 好味!!成樽都係渣，裡面好多蝦米，蝦米依然脆卜卜呢!
今日心急人同媽咪一齊用咗依樽辣椒醬整咗 - 涼拌蝦乾青瓜
(參考自蔡師奶)
材料:
小青瓜 - 四條
蝦乾 - 適量
薑 - 2片
辣椒醬 - 一茶匙
麻油 - 少許
調味料 : 鎮江醋、糖、生抽
做法:
1. 小青瓜洗淨後，去頭尾，略拍扁，切段，用少許鹽及少許糖醃半小時，之後吸乾水份備用
2. 燒熱鑊下麻油 + 辣椒醬 + 薑，爆香蝦乾，盛起
3. 加入青瓜及調味料拌勻，加入麻油放入雪櫃醃2小時即可
媽咪睇住心急人寫blog，當佢見到涼拌蝦乾青瓜張相時 -
媽咪: 好靚喎!我抺咗碟邊,係咪靚d呢?
心急人: 係呀!(繼續寫blog)
媽咪: 你幫我整個blog,寫"華姐blog"啦!
心急人: 吓!!!!
媽咪今日要落船玩，當佢換完件衫出嚟話: 係咪又高又瘦呢?
心急人:又高又瘦???? hahahahahaa
媽咪自己都忍唔住笑呀!!
幾時先停雨呢?
香港時間11時31分發出 |
|
|
|
|
|
|
| |||||||||||||||||||||||||||||||||||||||||||||||||||||||||||||||||||||||||||||||||||||
訂閱：
文章 (Atom)