腳腫

腳腫

文章日期：04/24/2012 11:00 pm

噚日健康院姑娘問有冇腳腫，我話冇。。。點知到冲涼時見到雙腳真的有少少腫
今日經過萬寧見到呢支cream，sales 話全天然成份適合孕婦按摩用，可以幫助孕婦腳腫問題。今晚用咗，涼涼地好舒服





跟進:  今朝雙腳見番腳眼啦...真係有效喎 (25/04/2012)

1st 西營盤母嬰健康院 (20w)

今日一早同媽咪食早餐，食完就坐地鐵再轉的士去西營盤母嬰健康院，去到已經9:10...遲咗少少
西營盤母嬰健康院即係以前國家醫院，外面好似好舊，但裡面都好新，環境比贊育還好

登記了第23號籌，等一陣已經安排磅重及驗尿，跟住入房聽姑娘講解有關西營盤母嬰健康院的責任。原來西營盤母嬰健康院跟贊育醫阮及瑪麗醫院的電腦系統不能互通，要用人手在簿仔記錄，所以簿仔好重要是西營盤母嬰健康院跟贊育醫阮及瑪麗醫院的溝通渠道。因為西營盤母嬰健康院是政府管理，而贊育醫阮及瑪麗醫院是醫管局管理。

再等一陣見護士，護士話心急人比較重，要小心留意飲食...
心急人覺得贊育同西營盤母嬰健康院個磅有出入，冇理由重咗咁多嘅...星期六睇Dr. Fung 都冇咁重...

再等一陣見醫生，醫生只係幫心急人按肚及聽BB心跳，不足三分鐘已完成。再在大堂等候取回簿仔，不到11點已可以離開。
政府醫生真係好求其......好彩今日唔係等好耐~

之後同媽咪坐丁丁去咗CWB飲茶

拜山日

今年心急人冇去拜山...因為有BB

今日中午返咗嫲嫲家食午飯，順便攞咗BB 4D相俾家人睇，媽咪嫲嫲好開心，大家都好開心
見到佢哋開心...心急人更開心

嫲嫲鍾意女仔...因為佢有4個仔

1st Dr Fung (20w) - 確定了

OO介紹了兩位醫生俾心急人，之前睇過潘醫生，在14w後潘醫生收$1,200 (包產檢、維他命、4D相、DVD1隻)。潘醫生好好傾又詳細，但診所環境一般啦...

心急人見佢加咗咁多，諗住試吓OO介紹嘅另一位醫生，OO話馮醫生診所好豪華，價錢又平D (OO上年睇$700, 心急人今日睇已經加多$100~)，都係唔洗等好耐

 

今日去見到診所真的好大, 商業大廈全層，應該有三間潘醫生診所咁大....

約咗1:30pm，心急人好快有得磅重、驗尿、量血壓，跟住見醫生，醫生房又係好大。馮醫生問心急人知唔知仔定女...心急人話未知...好想知

跟住就入房中房照ultrasound，張床好大好舒服仲係電動，瞓上去就升起

 

馮醫生話BB位置好難睇，BB卷埋咗...醫生用力按肚後，BB位置變咗...醫生話係女仔

終於確定係女仔...心急人有少少失望，勞力士鍾意女，當然冇失望啦...

今次見BB真係大個咗好多呀...見到骨、面形、輪廓.....感覺又實在咗

醫生話BB個鼻高...睇落又真係幾高喎~

 

2:30 已經離開診所。馮醫生冇潘醫生咁細心詳細，今次$800包產檢、4D相2張加$210有孕婦維他命

心急人覺得男醫生做產前檢查會比較細心詳細...下次睇邊個好呢.....

 

睇完去咗食lunch，lunch期間已經急不及待通知媽咪及whatsapp朋友啦!!

知道BB係女仔後，可以買嘢俾佢啦
今日行Sogo見到心水BB床上用品，心急人係VIP有8折，但勞力士話遲D先買...

p.s.  心急人可以證明清宫圖唔準、八字面相唔準...最準係勞力士嘅外父相

堅毅的婆婆

區婆婆八十九歲，這天早晨，她拄着手杖來看我。
「為甚麼兒子不陪你前來？」我問。區婆婆和未婚的兒子同住。
「他做大廈管理員，有個同事病了，因此他不能告假。」區婆婆說。
我看看病歷，道：「你遲了兩個月覆診。」
區婆婆告訴我，兩個多月前去市場買菜，摔了一跤，背痛得厲害，躺了很多個星期才能起床。
「你今天乘甚麼車來？」我問。
「乘計程車，花了五十元啊！」老人對積蓄的運用很小心。
區婆婆的步履不穩，我提議：「有沒有想過入住安老院？那裏有人照顧你。」
「住老人院，太可憐了。我還能自己照顧自己。」區婆婆的眼神，帶着一股堅毅。其實她不但照顧自己，更每天做飯給兒子吃。
為她小心診症後，我低頭寫藥方。
「老人看醫生，有沒有優惠？」區婆婆很會精打細算。
「老人沒有優惠，以免年輕人投訴我年齡歧視。」我以冷淡的語調回答。
「同姓三分親，有沒有優惠？」她繼續試探。
「同姓沒有優惠，我一視同仁。」
區婆婆想了想，直問：「甚麼人才有優惠？」
「八十九歲仍做飯給孩子吃的人，才有優惠，因為他們的愛心很偉大。」我答道。
區婆婆笑了，我也笑了。快樂的一天，就是這樣開始。

區樂民

(轉自18.04.2012蘋果日報副刊)


##我嫲嫲好似呢位老人家, 有時好似好慳, Daddy成日話佢好慳唔慳....但佢打麻雀上落十分驚人, 老人家唔一定冇錢先問優惠價....

雅培講座

雅培講座

文章日期：04/15/2012 11:00 pm

今朝九點出門向太子出發，勞力士去花墟買紫羅蘭，心急人去酒樓等位。在途中收到奶奶電話要求加多一位，佢要帶個朋友來飲茶。約了老爺奶奶10:30，點知老爺11:00到，奶奶同朋友11:30到。 奶奶嚟到仲要黑面......
黑面嗰個應該係心急人, 佢無端端攞咗個門欄出嚟, 又唔講聲喎...之後要去聽講坐架嘛
到差不多12:15心急人去完洗手間出嚟，佢已經同朋友閃咗......
飲得咁辛苦, 以後唔會再叫佢, 其實勞力士叫佢出席都睇唔少面色呀~
如果老爺想叫佢，自己叫啦...哼~

心急人勞力士第一次參加免費產前講座。這個講座由雅培舉辦，在佐敦逸東酒店舉行，有300人出席，由醫生及註冊護士講解有關胎教及照顧初生BB的知識，內容十分實用，席間還被安排上台學掃風，好好玩！BB又有好多免費禮物！！

其實好想參加多D講座，但真唔容易，好快滿!

返到屋企已經5點啦......
今晚老爺嚟食飯，同佢出街食飯都好麻煩，只食中國菜又要少鹽又要少油，好難搵。 好彩有媽咪幫手買餸，三餸一湯: 冬瓜冬菇瑤柱肉粒湯、 玉豆炒豬頸肉、鯪魚肉蒸豆腐、凍食大眼雞。7:30準時開飯，老爺原本話食半碗飯，佢話好啱佢胃口結果食咗兩碗飯。好彩煮多咗飯咋....

十年一次

十年一次

文章日期：04/03/2012 11:59 pm

今日同daddy & mummy 去海鮮站食完, 就行去紅館睇"楓修 80巨星演唱會"。心急人有睇上次胡楓70歲演唱會，咁快十年啦~

心急人以為胡楓只會唱幾首歌，大多時間應該由嘉賓表演。心急人估計錯誤，胡楓竟然唱足全場，以80高齡可以記得歌詞、走位、少少舞步，心急人真心佩服。整個演唱會全無悶場，見到好多婆婆聽得相當投入呢~

不知到心急人六七十歲會唔會去睇陳奕迅、容袓兒唱懷舊金曲呢~