糖尿測試

糖尿測試

文章日期：03/31/2012 11:00 pm

之前已經在網上search 有關做糖尿測試的資料，真的多謝好多媽媽在網上分享，心急人可以有心理準備迎接今天的來臨。媽咪因為生細佬時得到糖尿病，心急人應該要做兩次糖尿測試，其實心急人都好擔心~

預約紙寫8:30am, 心急人8:20am到達登記處門外，當時已經大約有30名孕婦坐着等候，其他就要排隊。在等登記時，心急人第一次在產檢時見到大陸孕婦因要排隊而大發脾氣，她丈夫亦看不過眼叫她收聲~

兩位姑娘都好快手，心急人是45籌。9am已經抽完血、飲完糖水啦！

暖暖的糖水好似冰糖水，好甜，無想像中難飲，但有刺喉感覺。飲後感覺就來了。。。因空肚關係，感到暈暈地、有少少反胃。心急人要用意志力忍到11點，再抽血才完成今日任務。心急人同勞力士去main block嘅Delifrance等時間過...見到勞力士食嘢，心急人真係好肚餓呀~

春嬌與志明

嬌與志明

文章日期：03/30/2012 11:00 pm

還未上映時只看微博有關這齣戲的消息已好想睇，噚日上網買票諗住在The one or I square 睇，但已經冇哂好位置，結果都要返TKO睇。

放工同勞力士去最就近嘅翠華食完，就入場啦...由第一句對白開始笑，笑到離開戲院。呢齣戲一定要入戲院睇，全院人一齊笑先夠氣氛呀~

投入微博

現在有微博真的很方便…yahoo blog 改了之後, 心急人不太懂用…點解沒有email通知回應呢~

心急人要努力追番3個月~