往年嫲嫲會在中秋節正日安排Family Dinner,但今年因為未齊人而改期,今日心急人便有機會同Mum & Dad試吓個BBQ爐嘞!!中秋節BBQ @home,都幾好氣氛喎...
2007年9月23日 星期日
桂花馬蹄卷
心急人把以下份量x4, 足足企咗係廚房大半日啊!因為所需時間太長,心急人又真係好心急,所以應該冇下次囉!!
以下食譜來自蔡師奶,照片係心急人拍嘅,都合格啦!! 
食譜: 桂花水晶馬蹄卷 (食譜改編自~中式甜品)
材料： (份量：5.5"長度馬蹄卷6條) --- 不想做太多，我已把原食譜份量減半如下
馬蹄粉 60克 粟粉 半湯匙
冰糖 95克 乾桂花 半湯匙
馬蹄 2粒 (切碎)
做法：
1) 馬蹄粉與粟粉用半杯水調勻, 用篩過濾
2) 冰糖加入1.25杯水煮溶，熄火加入乾桂花加蓋焗一陣，然後加入1/4杯馬蹄粉水，拌成稀糊放涼
3) 把餘下之馬蹄粉水拌入，加入馬蹄粒
1) 馬蹄可以切細一點，賣相更美麗
2) 原食譜冰糖之份量為125克，不喜歡食太甜，所以把份量調整了
3) 一定要待涼後才捲起，不能過急
4) 不銹鋼盆size為 8" x 5.5"，屬細型盆，蒸後取出大約待4分鐘後，便可用手指輕輕推起之後直接在盆中慢慢捲起成卷狀
5) 乾桂花可在售賣花茶的小店中找到，大約10蚊一包，可以用好耐
2007年9月21日 星期五
無事出街少破財
心急人有個習慣就係每朝早飲柸蜜糖水先出門。平均一個月就飲完一樽蜜糖,以前會等Sogo半年一度大減價,一次過買半打,到下一次減價時剛剛飲完可以再入貨。後來覺得飲到最後一樽蜜糖時,日子非常接近 expiry date,好似不夠新鮮喎! 現在不會等大減價才入貨囉, 因教協還平宜呀。
昨晚約了總經理及闊太食飯,順道到教協走一趟。心急人一心諗著買樽蜜糖, 但最後心急人好自然地多買了一些可有可冇的東西啦..哎!
其實近幾個月,心急人已經節制了許多,控制自己不要胡亂購物,要諗清楚是否需要,是否真的很喜歡,才下決定買回家。因為之前屋企裝修, 連續搬家兩次, 才發現屋企有(1)全新從未用過的; (2)有duplicate的(e.g.兩部榨汁機、兩部碎紙機...); (3) 有心急人從不知 or 忘記它們存在的; (4) 舊了又捨不得拋棄的(但好幾年沒有撞過它一下),……總之成屋垃圾, 又浪費金錢。
現在減少購物,不但可以省下金錢, 而屋企空間亦多了呢!! 如果屋企擺放太多雜物,會影響全屋風水(根據余老師教導 - 心急人的風水老師), 希望爹哋可以配合啦!
2007年9月18日 星期二
頭髮重創
因兒時的心急人太乖 ,整日乖乖睡在 BB床上,不需要大人抱抱,自得其樂。因為睡得太多 , 結果心急人的頭殼變得偏平,為此近幾年心急人一直保持一頭短曲髮,看似圓弧 些。 短髮型久了, 總有點悶, 由年頭開始決心留一把長髮。
星期天下午去了上次電髮的 salon, 因沿用的髮型師(髮型師A)放假, 而心急人平日已排得密密麻麻, 所以預約了OO用開的斯文靚仔髮型師(髮型師B), 心諗都應該可以, 不會出事啩。
一入到去已坐了很多客人 , 眼見只得兩個髮型師工作。幸好, 同髮型師B講完要求, 及聽完他的意見後, 很快便安排洗頭, 接著軟髮程序… 然後呆等( 心急人黑面 )…呆等 (等髮型師B剪髮等到頭髮都乾哂 )…終於等到 ,但他只剪了兩三下 ,便安排 Junior幫心急人鬈髮 ,心諗今次一定凶多吉少 …電完沖水 ,呆等 (心急人持續黑面 
)…,Junior 幫心急人吹髮, 由曲髮吹到變直髮。心急人對髮型師B講, 心急人未入嚟以前d 頭髮還比現時的曲, 現在是一邊曲一邊直, 十分不平均，他竟然說要用多一小時補鑊。心急人要趕去食Family Dinner, 不能再花一小時了, 最後決定另約時間, 約了下星期日。
星期一返到公司 , 同事們都說今次唔得喎, 上次好好多呀… 哎… 我都知唔得… 
心急人當然好快決定唔去跳最愛的 body funky, 第一時間打電話俾髮型師B, 約今晚補救啦。他說不收分文, 再電一次, 而我要求用髮型師A, 但他說不可以。心急人一向好緊張自己的頭髮, 今次好擔心它們會變成枯草呀!!! 但冇計啦, 都要整- 無奈!!! 
到午饍時間, 收到髮型師B來電話可以搵噃髮型師A, 不另收費。這個都算係好消息吧。
放工後立刻趕到 Salon, 髮型師A見到這個髮型都唔知講乜好, 佢有一個無奈表情, 我講哂所有不對勁的地方後, 他便開始動工。因他服務態好, 心急人才可以稍為息怒。
訂閱：
文章 (Atom)