直落澳門

今日成十點先起身，OO話去樓下飲茶，心急人當然唔去啦，要沖涼洗頭化妝執嘢呢～

十二點要check out 啦，心急人又唔想返香港喎，結果打電話俾冬冬

，約係澳門見。

心急人坐12:30車去拱北，3:00到拱北，3:30威尼斯人酒店見。

一行十人入住一間房，勁！

是日晚餐　－　法蘭度餐廳

就係依個包，令到大家十分開心呢～

再去飲紅酒～

再去casino玩，玩完再上房玩加勒比海樸克。4點幾嘞，心急人都唔知瞓唔瞓好，結果做完mask&沖完涼都係6:30，最後都係瞓咗~

9:30就起身lu.....

心急人搭6:00船返香港，7:45終於返到屋企啦～

三日加埋都唔知瞓咗幾個鐘

廣州繼續

化妝小姐九點幾就到酒店幫新娘化妝，心急人當然唔想起身啦，繼續瞓在床休息...好倦呢～

下午一點好時晨出發行大運，這是廣州的習俗，花車要在廣州市內兜圈。

酒店附近有好大間嘅Rolex維修中心，通常維修中心在香港設在樓上舖，廣州地方多到呢～

今次心急人冇機會在廣州到處觀光，唯有在車內走馬看燈

中間果位就係今次連續兩日跟足全程的負責拍video嘅攝影師，好勁，一人力量拍到好似成隊crew嘅效果～

終於到達男家啦，好傳統呀！

婚宴場地正是所住酒店樓下的中菜廳

好好味嘅燒豬

今日時間好緊迫，因為廣州婚宴好早開始好早完結。一對新人五點要在婚宴場地門外迎賓，七點進場，晚宴立刻開始，九點半未夠完成送客。

不過在短短時間內新娘要完成 - 換三套晚衫，要敬酒，要敬茶.....敬茶對心急人來講係最新鮮，意思係想每一位來賓都要飲新袍茶。

心急人要全程緊貼新娘幫手，倦到呢~

當晚一行十人去咗按摩，心急人被人放血呀

......唔會有下次......哎～

返到酒店，沖完涼睇埋千機變都兩點先瞓～

OO結婚啦!!!

恭喜恭喜恭喜哂!!!

       

在心急人失意的時候,好彩有OO陪伴心急人渡過唔少節日呀......記得有年心急人同OO係中山一間酒樓包場食X'mas Dinner,好特別架......

OO用一年時間拍拖結婚搞掂哂,真有效率呀!!

經過一晚通宵後,心急人七點返到屋企。沖涼洗頭後,瞓咗一個鐘就極速化妝修甲換衫,好彩一早執好行李又遇到個好的士司機,不過都係遲到,10:45到新娘屋企......真係唔好意思

(知道OO唔會責怪心急人的!)

心急人一向對玩開門利是遊戲興趣不大,咁啱伯母喺玩遊戲時間,邀請心急人入廚房食印尼千層糕同puff......正呀!!!

接完新娘,飲完新袍茶,出發食lunch啦~

因為心急人被委派重任(keep新娘房key&金飾),冇時間影相呀,唯有等強哥俾相心急人時先放相啦...

唉...心急人對天氣估計錯誤,穿了厚衫,帶了厚衫!平時心急人去婚宴唔飲茶就飲酒,但今日飲冰水...突破~

婚宴準時11:30前完滿結束,一行人執妥行李就上車向皇崗出發,到皇崗過關已經差不多1:00,到達廣州酒店已經差不多2:30啦~......喺架車到,心急人感到缺氧,熱到醒咗,但係坐心急人前面嘅Nicole & 強哥就話涷喎~

settle down哂,心急人4:15入睡......心急人俾自己十個勁!!!!