今日11點幾去到旺角上車, 上車前只係食咗個M記包包, settle down 便立刻搵食, 成間酒店得一間中式酒樓, 一間日式餐廳 及一間西餐廳, 西餐廳即係心急人享用自助早及晚餐的地方嘞!
3點幾係下午茶時間,食少少嘢,6點就開始食buffet下午茶價錢都合理，不過service charge 就貴咗D嘞......RMB$58 + 15% service charge
心急人揀咗餐旦麵＋熱咖啡＋黑森林蛋糕
食完下午茶，就到處逛逛
係到玩嘢都幾貴，水上電單車要RMB150得10mins......
坐golf車嚟到親水區影吓相
下次可以住親水區，泳池水好清，環境好舒服，不過去餐廳冇咁方便
係露台一跳落去就係泳池，好正呀！
影完相，唔覺就六點開餐啦～
餐廳環境好舒服，食物都好多選擇，生蠔、刺生、汽水、果汁、雪糕基本嘢一定有......仲不停添加，一定唔會冇得食，味道都好好咖！有部棉花糖機俾小朋友整棉花糖，又有個counter俾人整cocktail，又有個專人係到用california pizza kitchen嘅爐整Pizza......
心急人見到幾個香港師奶食咗好多嘢，食到最後瞓咗係梳化，郁唔到tim~
心急人鍾意食麵包，好好味，可能依間餐廳嘅經理係外國人，所以西點特別好味～
食到一半仲有隊band唱歌，一d都唔似係大陸（全因心急人坐係非吸煙區... )
食完個豐富早餐，再休息一陣，12點check out, 坐車到皇崗
走嘅時候，心急人見到酒店出面泊咗好多靚車
坐的士再轉地鐵嚟到萬象城，心急人第一次嚟到一定要行吓大陸Citysuper啦～
好大好靚喎～
總結：
1. 入住三正半山主要係大陸客，好少香港人，香港人去到唔好咁大聲講嘢，咪真係做咗港燦～（唔好高估自己消費能力，低估大陸客消費能力）
2. 一定要book非吸煙區
3. 三正半山值得一住，環境舒服，自助早餐同晚餐都好滿意
4. 入住大陸酒店，預算要燒錢，一柸 mini cup hazzgen dazs要RMB75（當然冇食啦～）......玩嘅嘢要樣樣計錢，去得唔好慳，咪會唔開心咖～
5. 酒店入夜有一處紅燈區，叫娛樂一條街，有show睇，有嘢飲，仲有好多妙齡女郎著得好性感等客咖......大陸幾高級嘅酒店都有依種服務，男人好方便......（唔怪得媽咪要收起爹地張回鄉咭啦...hahaha)
6. 大陸人一日一日進步，一日一日有錢，但他們擁有只係硬件，沒有軟件，香港人要好好運用自己嘅軟件呀！
