心急人※私生活: 2010

2010年12月31日星期五

除夕倒數

文章日期：12/31/2010 11:59 pm

今日心急人忙於來來回回超市,因為買咗太多食物好重，唔怪得咁多家庭主婦要帶車仔買餸啦~買完返嚟,就開始冼切為除夕大餐準備

髮型師與太太來食BBQ &倒數，兩對2010新婚夫婦一齊迎接2011來臨。BBQ有蝦、蜆、牛肉、牛舌、豬頸肉、咖哩尤魚、瑞士雞亦、鮮菠蘿，倒數完仲有腐竹雞蛋糖水，好滿足

2010年12月30日星期四

好難忘的2010

文章日期：12/30/2010 04:26 pm

仲有一日, 2010年就過去, 有點不捨得呢~

今年忙搞結婚嘢同sweet home, 依個blog停了半年, 原本諗住會補寫, 但心急人冇乜記性, 算吧! 唔迫自己啦.....

今年:

3月: 見證好朋友OO作動 (好驚), OO生咗個好乖好得意嘅囡囡。

5月: 第一次去北京, 平時只在電視見到故宮、天安門、天壇, 終於可以親身見到, 好鍾意這個城市, 真正一個國際性大城市。心急人在北京街上覺得自己好似"宮", 現代人在古代生活咁, 處處都是幾百年前的建築物,感覺好得意。下次一定要同勞力士一齊做好漢!!

一對花布貓及紅色全盒都係北京買返嚟, 20102010就放在reception

6月: 收到勞力士送的iphone作生日禮物。一直對佢有點抗拒, 覺得佢好難控制, 但現在機不離手, 冇咗佢唔得。
6月尾: 找到心水Sweet Home

timing 真係好重要, 係你就係你, 唔可以強求.....好好彩搵到一個唔洗點裝修嘅單位, 可以趕到十月中入伙。

7月: 同勞力士一齊為按揭與各銀行周旋
8月: 收樓啦~ 忙!!! 買傢俬、訂傢俬、搵裝修、買電器.......

9月12日: 過大禮, 想做得傳統些, 簡簡單單都麻煩 - 之前嫲嫲有意見, 有點唔開心, 但最後都順利完成, 比想像中順利

唔係豬, 係蓮藕

10月20日: 大日子, 這天的時間過得特別快, 好似發夢一樣......心急人仲未收到攝影師d相~

今年對心急人來說真的很重要, 踏入人生另一階段。心急人十分享受婚後生活, 有一種好實在的感覺, 不過好掛住屋企......雖然住得好近......

希望2011年, 開開心心, 依四個字已經包括所有嘢~

2010年12月25日星期六

X'mas Party 2010

文章日期：12/25/2010 11:59 pm

心急人同勞力士都鍾意熱鬧,婚後第一個X'mas, 一班朋友嚟Sweet Home 開Party

總共十個人,好開心呀!

雖然所有刺身都係訂返來, 心急人只係整咗鮮茄肉醬意粉,瑞士汁雞亦,煎牛扒同雜腸,都唔知點解預備咗成日.......(手腳太慢)

朋友帶來的homemade X'mas cake, 一個Party甜品係唔可以冇嘅~

當然唔少得交換禮物啦, 其中一份係臘鴨, 抽到嘅幸運兒見到隻臘鴨笑唔出個樣, 笑死心急人呀

食完又玩, 玩完又食, 12:00 a.m.心急人焗咗個Pizza, 天氣凍熱辣辣嘅Pizza, 當然好受歡迎啦!
2:00 a.m. 完滿結束~
依班朋友好難約齊人, 期待下次嘅聚會。

依份係心急人抽到嘅禮物

心急人未買暧風機,這東西令心急人睡房升溫咗兩度, 好啱用

2010年10月31日星期日

Honeymoon - 20101024-31※Bangkok

文章日期：10/31/2010 11:50 pm

嚟到BBK離唔開食同買, 行得攰就去做massage啦~

今次買咗好多好多嘢, 去到機場checkin, 地勤小姐話超重要罰成千蚊港紙, 心急人同勞力士盡量將比較重的東西從行李箱取出, 自己手提上機, 結果都被罰三百幾港紙~今次真係買咗好多嘢有九件行李返香港, 其中有件係sofa...其實張sofa想搵TNT寄返港, 但TNT個職員話自己第一日返工, 佢好似乜都唔知咁,唯有心急人+勞力士自己帶返嚟啦~

第八日去Central World 行多陣先返酒店攞行李去機場, 點知一出嚟就見到紅衫軍啦, 幾驚塞車呀~好彩都順利到機場 XD
八日七夜旅程就結束啦......超超超開心!!!

Honeymoon - 20101024-31※Kok Samui

文章日期：10/31/2010 11:40 pm

一直大家無商量過Honeymoon的地點, 亦無認真諗過這個項目,但當sweet home的出現,大家同時好想去BBK買家品。但心急人每年都會去BBK, Honeymoon又去好似有點過份,所以心急人選擇先到 Kok Samui 再到BBK, 一來可以真正休息享受陽光海灘, 二來可以盡情購物, 同時滿足大家的要求。
常聽人說Kok Samui機票難訂, 心急人不需要直航機, 要經BBK轉機, 所以更難, 好彩一切順利。八日七夜的旅程,兩人旅費合共HK$12,000, 超值!!!
之前在萬寧換購29寸大行李箱，今日終於帶出門。Checkin 時，見到有成五六個人用同我一樣的行李箱，即時加上吉蒂貓。大家都好小心認領自己的行李,等大家確定正確才離開。