天兔

星期六6：30 pm 窗外仍然風平浪靜

睇新聞報導天文台用＂成熟颱風＂形容天兔。。。好似好強勁。航空公司又少有地早一日講明會取消今日航班

被上年10風球嚇怕了，今次Daddy仲叫買膠紙貼窗。樓下五金舖膠紙都快賣清~

今日同Daddy媽咪行吉之島，其實噚日同媽咪行完已經買咗好多嘢。吉之島最近成日有吉日，仲要連續幾日，次次都上倉咁。今日行到4點走，怕個風打到嚟，諗住自已煮費事帶BB出街。最後媽咪細佬都上哂嚟! 

心急人第一次整星洲炒米

呢個風又一次證明香港係福地~

迎月+陳師傅慶生飯

今日第一日假期，一早約定今日去朋友家聚會。朋友住附近真的好，不用放太多時間在交通上，坐一個站就到。希望越來越多朋友在紫色綫上^^

勞力士下午就去朋友會所打保齡~

怕勞小姐扭眼瞓，所以延遲出門時至5：30，但勞小姐等到出門先嚟瞓。。。好在去到朋友家都冇扭計^o^

今晩7餸1湯全部由女主人一手包辦，好好味，好厲害

仲有個東海堂桃味蛋糕唔記得影相，朋友們話外表似帶子蛋糕，估唔到真係幾好味。

中秋節2013

今日係屋企食完飯就帶勞小姐去賞月, 上年中秋仲坐緊月呀 ^^

約埋表哥一家去文曲里賞月，沿途勞力士為BB車佈置一番~

心急人第一次玩這些瑩光棒棒，如果冇勞小姐都唔會買，小朋友會令節日更有氣氛。$20有50支，都幾抵玩呀！

早前奶奶買咗個好嘈好醜嘅叮噹，仲會噴發泡膠，開過一次就冇俾佢玩，跟住媽咪又買咗個hello kitty。。。結果心急人今年冇買燈籠俾勞小姐~

心急人好細個已經玩蠟燭燈籠，記得有次玩唔夠10分鐘成隻兔仔燈籠燒著咗。。。今日眼見好多小朋友都係玩膠燈籠。。。心急人就覺得好無趣，玩蠟燭開心好多，等勞小姐3歲一定俾佢試玩蠟燭燈籠，心急人細個玩得，勞小姐一定得hahaha

坐到11點，心急人勞小姐有心冇力。。。真係好攰要歸家啦。。。沿途仍十分非常熱鬧吖！

每年中秋全家人都會提早或在正日同嫲嫲食飯...今年開始沒有了...過時過節更加掛住~
心急人知道這個感覺不會隨時間而減輕...一諗起眼淚不會停~丨

Hurom慢磨機

13/9在Gmarket落單，我的新玩具慢磨榨汁機今日由韓國安全到步啦！

原本部機跟其他貨一齊落單，但一落單個seller就話冇貨，激死心急人。。。結果13號再搵另一個seller落單，今次叻咗問清楚有冇貨、送唔送HK先落單。當時仲諗做唔做combine shipment 好，好彩冇做。。。12號批貨有排未收到，因韓國中秋係長假期。。。

第一次買咁貴嘅電器，見有HK、Canada、Russian 買過都冇事。。。但都係擔心有問題，水貨冇保養嘛~

放工返屋企見到個盒咁完整都放心一半~

試完機放心哂 ^^

Goldsun Zen

上次係gmarket買嘅goldsun zen,媽咪覺得好好用。心急人又想買個俾自已，但gmarket已經加咗價，而呢個煲雖然係韓國牌子，但中國製造，上網見有人係taobao買話OK，就試下淘一個，RMB336（未計運費）。

今日收貨啦！包裝跟gmarket的一樣

但媽咪發現煲蓋底有分別，在gmarket 買嘅煲呢個位係同蓋色一樣，taobao呢個位就係不銹鋼。。始終外銷跟內銷真係唔同㗎！

第一本passport

7月24日同勞小姐申請特區護照，今日終於有得攞啦！

今日同媽咪係屋企食完早餐就出門去藍田，雖然唔係遠，但由地鐵站行去有好多樓梯位，要搬車真係好吃力！

現場有好多人，好彩去到攞籌等半個鐘就有得攞。。。

勞小姐第一本passport 及 HKID ^^

跟住就去咗TKO行街。。。行到成3點，好攰!

Happy Birthday to my lovely girl ^^

上年今日勞先生一早七點幾就嚟到醫院陪心急人，心急人帶著涙水（太驚！）心跳加速咁被護士推入手術室。。。

話咁快就一年啦。。。

今日沒有特別安排，只是一家人出外吃飯慶祝。

Kaylie 生日快樂、身體健康！ We love u!

搬blog...

終於要搬.....

這是我的新地址: http://vivivivilife.blogspot.hk/

以後可以用電話寫blog and upload 相, 方便好多!! 但現在頭痛怎樣可以有效搬blog😪

第一個B'day Cake

8月8日為勞小姐訂下的第一個生日蛋糕，今日同勞先生去牛頭角取貨。

蛋糕非常精緻，每人口味不同，心急人同勞先生就覺得稍甜一些。

早兩星期已經向勞小姐唱生日歌，讓她有點心理準備。她聽到生日歌懂得拍手，但今日見到咁多人唔識笑~

一歲小朋友不懂甚麼是生日，一早決定不會舉行birthday party，只想買個靚靚蛋糕與家人影相作紀念 。這個蛋糕只是滿足心急人不是勞小姐^^