心急人※私生活: 2009

2009年12月26日星期六

粟米洋薏米水

文章日期：12/26/2009 11:10 pm

上次去舅母屋企打邊爐，舅母煲咗粟米洋薏米水，話可以清熱滋潤。心急人覺得好好飲，舅母仲教咗大家整tim。今日心急人第一次試整，都唔錯喎

材料:
粟米一包

洋薏米 $4

白米半柸

做法:
1. (a) 把粟米起出粟米粒; (b) 用滾水清洗洋薏米兩次，備用

2. 把粟米皮、粟米鬚、粟米心及白米放入煲內，用五公升水煲45 mins

3. 取走粟米皮、粟米鬚及粟米心，放入洋薏米、粟米粒加入適量冰糖，煲30 mins，熄火焗30 mins，即可飲用

十月圍城

文章日期：12/26/2009 10:27 pm

今日11點半買個麵包就入場，散場已經2點啦! 第一場9點開始，心急人知道一定起唔到身，就睇第二場，但都有8成滿，算多人睇喎~
依齣戲唔係心急人鍾意嘅戲種，入場只係因為Leon......但睇片頭發現有套超好睇好笑嘅戲，但唔記得個名。

2009年12月25日星期五

2009 X'mas @ Macau

文章日期：12/25/2009 11:09 pm

平安夜心急人坐7:00pm過大海，到埗立即申請澳門嘅e道，等咗半個鐘先完成。勞力士book咗位食X'mas eve dinner，過關後就去Escada開餐嘞~
http://www.openrice.com/restaurant/sr2.htm?shopid=24340
依間葡國餐廳有三層高，食物唔錯，仲幾好氣氛ga
先來熱烘烘嘅餐包，好好食, 好鬆軟~

沙甸魚(少辣)，惹味~
仲叫咗個好香嘅咖哩角，心急人太肚餓唔記得影相

葡國海鮮飯，真材實料，用料十足，好似泡飯咁，超正~
食完個飯已經好飽，仲要留肚食糖水。

當然唔少得送X'mas gift 啦!

X'mas嘅澳門比想像中少人，可能香港真係太多人啦......

行完一陣，就去咗祥記食心急人最鍾意嘅桑寄生蛋茶，係香港搵唔到咁濃隻蛋咁黑嘅桑寄生蛋茶架~

新豪天地好似有部份舖位仲未租出，所以人流唔多，行下影下相都幾舒服架。

X'mas dinner @新葡京自助山，食物種類多，生蠔魚生都好新鮮，但熱食就唔係咁好食囉~

食完已經10:30pm，坐11:30pm船返港，心急人瞓足全程......

2009年12月19日星期六

聖誕禮物_FX65

文章日期：12/19/2009 11:25 pm

依部同心急人用緊嘅相機係同牌子同系列，係upgrade咗n次嘅板本。比舊嘅薄&輕，仲要係紫色tim。
跟機送8GB SDHC, 腳架, 原廠相機套, card reader, screen protector & hello kitty 杯 (百老匯送)。
在新鮮期，心急人會日日帶佢出街影相...hahaha

2009年12月17日星期四

第一個長銀包

文章日期：12/17/2009 11:50 pm

心急人習慣去旅行前會轉銀包，但每次返到香港又懶去執，所以心急人已經有一段時間無用銀包。到最近心急人執銀包，發覺一直用嘅銀包太細，又要用另一個袋仔放剩下來嘅嘢，結果心急人今日就買咗個長銀包嘞......第一次用長銀包，都幾方便喎~
頗有聖誕色彩嘅包裝，心急人特別影張相留念，影完已經放入垃圾桶囉~

2009年12月1日星期二

Family Trip - 20091126 - 1201※大皇宮

文章日期：12/01/2009 11:58 pm

心急人去咁多次Bangkok第一次買車仔菠蘿食，好甜好多汁，超正~

今次爹地媽咪同行，心急人特別安排去大皇宮同臥佛寺，雖然入場費唔算平350珠一個人，但都值得一去嘅~

Central World 空地已經有好多X'mas佈置啦~

今次又係滿載而歸:

2009年11月26日星期四

Family Trip - 20091126 - 1201※Mayfair

文章日期：11/26/2009 11:56 pm

今日心急人放工5:30出發，坐地鐵再轉機鐵，6:30前已經到機場。爹地媽咪細佬就坐巴士，同心急人差不多時間到達。唔知點解佢地去咗T1，心急人係T2等佢地check in。
心急人第一次坐約旦航空，機票只需$1150，所以對飛機餐沒期望，上機前已到美心快餐開飯。班機8:40pm 起飛，心急人在Temptation買完嘢 8:10pm已經final call，快咗D。起飛一陣，空姐派飛機餐只是三文治，好彩心急人食咗叉鵝飯啫。
依班機全滿，心急人一家四口原本要分開坐，經心急人同地勤擾攘一陣先有兩個連位。大陸人佔全機90%，得幾個香港人咋，幸好唔係太嘈。

10:30到達曼谷機場，一到步心急人就買電話咭(99珠一張)同爹地一人一張，加多一張上網咭(249珠一張七日無限上網)，心急人第一次在Bangkok同HK咁親近......星期日爹地上網睇賠率，仲打電話俾舅父買馬tim......
經同事們提點，心急人同細佬check in 先，爹地同媽咪在7-11等，屈蛇嘛! 六日五晚就在這裡開始......

2009年11月22日星期日

掛住婆婆

文章日期：11/22/2009 11:03 pm

在心急人眼中婆婆一向身體健康，沒有糖尿病，沒有高血壓，只是近年無胃口進食。醫生說婆婆因為無胃口進食，有營養不良的情況，媽咪便買老人家飲用的奶粉給婆婆，而心急人就買維多C給婆婆。
直至十月尾，婆婆因為咳要看醫生，看了幾次仍未好轉，到最尾一次見醫生，醫生建議婆婆入醫院因為婆婆肺部有聲，當時婆婆還清醒、精神。媽咪同心急人都認為婆婆只是傷風咳，好快出院。誰知婆婆一進醫院，情況便一落千丈，醫生還問姨姨到緊急時候要求搶救嗎?大家都認為順其自然讓婆婆離開，不要讓一個89歲婆婆受苦了。誰知婆婆進了醫院四日便離開人世了...

原來真是有"回光返照"這回事。婆婆在世的最後一晚，婆婆好精神，同各人有問有答，反應還很快呢......但當大家離開醫院不到四小時，醫院就打電話來說婆婆要離開......心急人一下子好難接受這個事實......

婆婆是個好心腸大好人，性格比較內斂，不會多事八卦，只會對人好，所以她離開得很安詳，沒有受苦，別人都說這是婆婆的福氣。

今日完成婆婆生後事，真正永別的日子。心急人知道人總會經過生老病死，而婆婆已經89歲高齡。

這個月心急人個腦不斷湧現在婆婆家飲葡萄適的畫面(因為心急人細個成日病，又唔可以食糖又唔可以飲汽水，所以婆婆便買葡萄適給心急人飲); 又湧現一入婆婆屋企心急人叫婆婆，婆婆又立即叫心急人名字，婆婆好有禮貌好得意......心急人真的萬分不捨得，萬分掛住婆婆。

2009年11月8日星期日

訂下第一套晚裝

今日又去婚紗展，其實婚紗展都開得好密，一兩個月又有一次。今次主要想買多少少奇華餅咭，去到果然奇華條人龍係最長，好彩心急人同勞力士都有時間。

心急人好自然又行到Noel Chu嘅舖位，一問之下會展價真係平d喎，問吓勞力士鍾唔鍾意條紫色EG，勞力士又話ok喎，咁就落咗訂啦。其實心急人都未試過，都唔知好唔好睇架~但行咗咁多間有D感覺都係得兩間，一條EG在Noel Chu (訂咗lu), 一條WG &一條EG在Agape，但一直都未有機會帶勞力士去睇吓....

算啦，到時先算啦!

2009年10月9日星期五

化妝※睇相篇

文章日期：10/09/2009 11:59 pm

朋友H&M介紹Mua - Louisa Wong 給心急人，仲提醒心急人Louisa好有主見，haha...即係比較串，但她認真、快手及功夫了得。心急人怕煩，唔想自己搵，就立即約時間睇相。八月中約到今日先有得睇，Louisa 助手話今日會有5個新娘子一齊睇相。心急人去到問路，問正其中一個新娘子，跟住一齊上去tim...hahaha

今日有陳水水陪心急人去睇相，食完dinner出發。Louisa好厲害有兩個單位，一個自住，一個工作。心急人準時8點到達，未人齊時她不斷講她的經驗，又提醒各新娘子要主要的地方，非常專業。到人齊就開始睇相，d相好靚呀，最尾解釋收費。心急人離開已經11點。不經不覺坐咗3個鐘，全無冷場，心急人非常滿意。

Louisa認為心急人不須要留長頭髮，現在的長度已經可以做到多款髮型，真的好心急人不用擔心要留長頭髮。要揀好衫才可以約時間試妝，心急人十分期待試妝，十分期待盆栽頭........