終於等到8月20，今朝一早出門同媽咪飲茶，原本10點要到醫院，但心急人又遲到10點先去到銅鑼灣。
10點嘅銅鑼灣好少人
坐丁丁去到醫院已經10:25嘞～
去到登記同俾錢後，姑娘就帶心急人到一間房等候叫名，未坐定，姑娘已經叫心急人個名入手術等候區，媽咪要坐成兩個鐘等心急人。
入到手術等候區，心急人換過拖鞋及穿著醫院袍後，第一時間開着部ipop，然後姑娘不斷幫心急人滴眼藥水，當時心急人心情仍然平靜，直到姑娘帶心急人入手術室，心急人一坐在手術床就震，好驚～不到10分鐘已經完成第一part，又坐回手術等候區等，姑娘又不斷幫心急人滴眼藥水，好彩有部ipop咋......
等差不多二十分鐘，姑娘又帶心急人入手術室做第二part，心急人又震過，好驚......驚自己望唔定，會郁，差不多15分鐘又完成，又坐回手術等候區等。等二十分鐘，見完醫生就可以出去等攞藥。明天準時9:10覆診。
媽咪陪心急人第一時間坐的士返屋企，返到屋企食少少嘢，就瞓咗，成日唔可以睜開眼睛，睇唔到嘢真係好慘好悶～
咁係咪睇住醫生响你對眼度篤篤下架？
回覆刪除[版主回覆08/24/2009 00:13:00]係呀,不過無感覺嘅