照胃鏡

心急人嘅胃一向有小毛病(胃痛、胃漲、胃氣...)，唔知係唔係遺傳呢!心急人一向都無理，有痛先睇醫生。G小姐幫心急人約咗今日12:15照胃鏡, 心急人又好趕12:30去到診所嘞。

照胃鏡前要量高度、磅重及量血壓，等到差唔多1點先入手術室，護士小姐在心急人的口噴咗幾吓麻醉藥（苦苦地），跟住係心急人手臂打一支安眠藥嘅針，心急人不用三秒就瞓咗，之後就唔知發生過乜事啦～

護士1:30叫醒心急人見醫生，即時知道結果，好彩無事！有少少胃酸倒流咁啦，多謝$3,900.......

心急人由前一晚12點開始唔可以食嘢，今日照完去食飯已經係2點幾啦，心急人平日聽到人哋話照胃鏡好辛苦，但又唔多覺喎......最辛苦應該係挨肚餓囉～