一個星期前約咗嫲嫲去大舞臺飲茶，因為想帶嫲嫲去睇吓大舞臺個環境，最重要帶勞力士俾佢見吓，心急人好緊張，唔知為乜要緊張......可能心急人知道嫲嫲依邊要求高啦......尤其係心急人爹哋...哎~
今日12:00去到香港仔接嫲嫲，坐的士到大舞臺，嫲嫲話未嚟過，而心急人爹哋就成日話依度係街市，而心急人就話依度係百年古蹟，都幾好笑......今日大舞臺食物失水準，碟炒河太多芡汁，爹哋又有嘢講...哎~
食完就坐的士返嫲嫲屋企，坐到4點幾就走啦，依part順利完成。
跟住帶勞力士去金門食下午茶，心急人減肥冇得食，再行去謝記，以為佢收咗，點知仲有得食，就俾勞力士試吓香港仔謝記魚蛋粉啦......其實心急人覺得佢係得個名，翠華仲好食
今晚婆婆果邊預早食中秋晚飯，應表妹要求勞力士無買月餅而買咗魔鬼蛋糕上舅父屋企，坐一陣就去酒樓開餐，今日兩圍。婆婆依邊輕鬆得多，心急人搵哂表妹幫手，表哥表姐都話可以免費安排花車，佢哋仲恭喜心急人勞力士，好開心好感動~~多謝哂!!!
沒有留言:
張貼留言