媽咪要求

心急人以為媽咪好容易話為，但佢成日聽埋班朋友講嘢，所以佢都有佢嘅堅持:

1. 回禮小禮物 -- 心急人覺得唔需要，心諗煩少一樣嘢得一樣啦，但媽咪話我去飲人哋都有，少少都要有。佢非常鍾意心急人朋友H&M嘅小禮物，夠實用。有一日仲同心急人講如果你覺得麻煩不如搵個靚袋袋幾粒金沙......真係俾佢激死
   
   ......算吧,唯有去大陸搵吓啦~


2. 烈酒 -- 心急人覺得無人飲烈酒只買紅酒就得，但媽咪話一定要買兩三支擺係到......佢話如果有人要飲而無安排就好肉酸......算吧,買兩支藍帶啦~


3. 橙 -- 心急人覺得去飲最好有果盆，夠方便，而媽咪就話唔大體。因為大舞臺無生果供應(連果盆都無)，媽咪話要買橙；最唔鍾意就係橙，有邊個食飽仲去搣個橙......通常去飲都着靚靚，着靚靚去搣個橙，好唔夾。心急人從未去飲食過橙......諗起都"娘"。勞力士冋心急人都唔想有橙出現.....但好大可能要屈服......

有日媽咪同心急人講: 我D朋友話唔鍾意分菜，一齊挾熱鬧D, 心急人回應:不如擺個碟係中間，俾佢哋倒番落去再挾過啦~...媽咪話心急人:黐線......