心急人咁懶一定會休假慶生!!
今朝一早起身整三文治俾勞力士，未夠九點就同媽咪去美心小品嘆早餐。媽咪平時同朋友會去飲茶，冇人同佢食西式早餐，所以早兩日佢已經諗定要嚟呢度~
食完早餐同媽咪行一陣，跟住返屋企休息吓~等到兩點幾出門去TST Isquare飲下午茶，諗住可以望吓海景慢慢坐。去到3點，得番4、5枱客，待應開始搬枱間房預備晚飯booking.。用屏封遮住個海景，冇海景睇不特止，仲有兩個待應不停頂撞，其中一個仲要係部長，製造大量嘈音~
雖然幾好味，但服務態度十分非常差...心急人唔會再幫襯~
今朝一早起身整三文治俾勞力士，未夠九點就同媽咪去美心小品嘆早餐。媽咪平時同朋友會去飲茶，冇人同佢食西式早餐，所以早兩日佢已經諗定要嚟呢度~
食完早餐同媽咪行一陣，跟住返屋企休息吓~等到兩點幾出門去TST Isquare飲下午茶，諗住可以望吓海景慢慢坐。去到3點，得番4、5枱客，待應開始搬枱間房預備晚飯booking.。用屏封遮住個海景，冇海景睇不特止，仲有兩個待應不停頂撞，其中一個仲要係部長，製造大量嘈音~
雖然幾好味，但服務態度十分非常差...心急人唔會再幫襯~
媽咪陪心急人行Harbour City等勞力士放工，媽咪竟然有收獲^^
今晚勞力士book咗東來順，特別點咗TVB 大廚出馬冠軍菜式 - 菌皇龍蝦球...哈哈..電視效應~
其實呢度唔係咁適合兩個人嚟食，冇二人套餐，而餸菜都幾大碟...
兩個人點咗酸辣湯(1位)、雞絲煨麵(1位)、茶葉燻蛋、蔥油海蜇頭、菌皇龍蝦球(1位)、松露霸皇雞、流沙金球...已經好飽啦~
下次嚟一定要食蟹!
咁就過咗一日啦~個個都話出年有多一個人同心急人慶祝...心急人都好期待，出年今日佢都有9個月啦^^
Happybirthday!
回覆刪除[版主回覆06/12/2012 09:53:58]多謝