2nd 西營盤母嬰健康院 (26w+)

同勞力士講今日去大舞台，佢話:去做乜呀~ 心急人答:去結婚呀~
今日約咗媽咪去大舞台飲茶，好耐冇去過啦~ 大住個肚去緬懷一吓!!
坐到兩點幾就慢慢行去健康院，預約時間3:00，2:50到達，今日好多人，大堂坐滿人...
結果等到4:15先有得見姑娘...又係問吓嘢、按吓肚、聽吓心跳就走得~
等埋預約紙，4:40先走得...咁又搞咗兩個鐘~ 真係好無聊，唔去又唔得~

跟住同媽咪去咗銅纙灣行一陣就返屋企啦~
因為勞力士要留假，之後媽咪都會陪心急人去覆疹...世上只有媽媽好