勞小姐病了！

星期六晚發現勞小姐流鼻水，睡前俾佢食返上次剩下嘅藥水，希望可以唔駛見醫生啦！

星期日仲開始有兩聲咳，唔睇唔得嘞~

媽咪同勞小姐睇完醫生就打電話俾心急人投訴，話勞小姐一見醫生就喊，好似醫生打佢咁，醫生用聽筒都聽唔到氣管，惡到死呀。。。>~<

過一陣媽咪又打嚟。。。勞小姐好似你細個咁呀，一食藥水就嘔啦~

唉。。。怕食藥水都會遺傳~

回想細個時，個個都話藥水係甜嘅，而自己接受唔到藥水味道，嘔就會被鬧都幾慘架~

每個人對唔同嘢嘅接受程度都唔同。。。心急人明白勞小姐跟自己一樣接受唔到藥水味道，但藥水又唔可以唔食喎，唯有用方法令佢情緒穩定D。

今日放工立即去三聯買圖書，再去搵玩具。

之前朋友送咗本好多飛機嘅書，心急人借本書同佢講坐飛機故事。宜家問佢飛機點飛架？佢識講"woo"並手指指向上。今日第一次同勞小姐拎住圖書講故事，佢又好有心機聽喎~加埋套醫生玩具,俾佢扮醫生檢查大口仔，心急人檢查下佢咁。。。希望下次見醫生會合作D啦！