第一堂play group

原本心急人不打算讓勞小姐上play group，她每日都會跟婆婆出街，接觸人多，不怕陌生人。但身邊同事常說上play group 可以了解小朋友多點，有問題及早發現。。。

到她一歲時才上網求其搵下有冇合理價錢、地點方便嘅play group, 好彩又搵到有間社區中心有位，價錢0K $1080／8堂，不用坐車行路就可以。

今日勞小姐踏入16個月，亦開始上第一堂play group。每次只可以一位家長陪同上堂，今次由勞力士操刀，基本上導師的指示由家長完成，勞先生話好似佢上play group咁~

勞小姐瞓醒食飽奶特別醒神^^

16個月大可以上初班，慢慢升上至學前班。班上最大嘅小朋友是21個月大，勞小姐算最細。一開始玩玩具，到齊人就開始唱歌，拍下手，分顔色波、認眼耳口鼻、用glue貼下嘢咁啦，話咁快就一個鐘。勞小姐都好合作冇扭計，但好八卦掛住望其他小朋，又想行埋去人地度，真正八卦妹。

上完堂就行去新都城玩具反斗城行街街

到勞小姐開餐時間，要搵D唔洗俾人趕走嘅地方，今次試新店spaghetti 360，都幾好味，下次可以再幫襯^^