萬分驚喜

心急人在今年三月開始上風水課,已差不多九個月。先後上過初班及中班,現在已上到高班的一半了。

因居住大廈的結構問題,心急人到現在還未可以用羅盤量度出正確度數,實在感到十分慚愧。於是心急人便拍下幾張大廈正門的相片給老師看看,以便指出心急人應該站立使用羅盤的位置。當老師問過心急人居住的地區後,老師竟說可以看看時間是否許可親身指導。他可以親身指導?!真是受寵若驚!!!

原來他每個星期日會在該區教授風水,而我家距離他上課地點相當就近,所以他可以順道走一趟。心急人心想他是否說說便算或是真的會相約時間呢?!

今日午膳後,電話響起,心急人看看來電顯示...嘩!嘩!嘩!正是老師呀!!!他真的來電了!!!當刻的心情就好似....跟偶像通電話般的興奮...(哈哈哈,猜猜心急人的偶像是誰!!!)

今次心急人難得可以與老師單獨相處一小時,一定要好好準備一連串問題發問啊

...哈哈哈!!!

期待中~~~

京華春夢

心急人只有星期六或日有時間留在家

　　　

,睇嘅一定係收費電視(俾咗錢嘛!)。因為Dad要欣賞球賽而安裝了now,所以被迫取消有線電視了。心急人發覺有線的節目比無線收費台的節目更吸引,有線起碼有一粒鐘真人蘇,活得很滋味,「峰」生水起精讀班等等,而無線收費台只得志雲飯局稍為吸引。

現在經曲台重播京華春夢,今日心急人一連睇咗三集,好好睇呀...拍攝得好認真,汪明荃好有氣質,皮膚好白滑,計落佢當時已過三十,但睇落都係廿頭咋!心急人好鍾意首主題曲的歌詞,簡直係成套劇的summary,現代的填詞人一定填唔到,就算填到,可能都冇人播,慊老土嘛!

京華春夢

如夢人生芳心碎
空對落花我淚垂
為何情緣逝似水
大江去那堪追

無奈情絲拋不去
堪嘆狂風吹飛絮
情義盡化煙
煙消天外去

錯為情愛　一生落淚
往日情侶負了寒盟
帶淚望遠方青山寂寂
怨恨期待變唏噓

無限情心遭拋棄
飄泊如今怨恨誰
奈何又逢暴雨風
落花悲盡碎

喜歡 Yahoo! Blog

心急人睇人哋嘅Blog就睇咗好耐,睇睇吓自己好想開噃嗰,就咁開咗第一個在 msn space。在 msn list 裏有心急人的朋友,亦有心急人唔鍾意的人存在，但 msn list 內的所有人都可以進入心急人的 space ,完全沒有安全感,有時想寫又唔敢寫,所以好快就關閉了。

最近朋友們都喜歡用facebook (以前有friendster),心急人雖然擁有戶籍,但十分抗拒。

現在心急人再次擁有一個Blog @Yahoo，今次想寫就寫，完全沒有顧慮，因知道(或來到)這個Blog的朋友都是心急人的真朋友，或是與心急人有緣的人嘛。

第二次－廚房大戰

心急人終於等到一連三日假期啦,排得密密麻麻的節目由今日開始...

忙完大半日後,心急人終於可以準備是日晚餐

。今日的食客不是心急人的朋友,正是Dad & Mum呢!!

- 蛋白花雕蒸花蟹

心急人好鍾意食蟹,尤其係蒸蟹。心急人找到多個有關蒸花蟹的食譜，最後選擇跟周太太的食譜做了這款菜。不過心急人當然沒有跟足做啦，因為心急沒有把蛋白液過篩，又沒有放多點水，結果蛋白實了點，但Dad & Mum都讚好味！！

．．（下次記得放多點水先）

周太太的食譜：http://hk.myblog.yahoo.com/mrschowchow1/article?mid=1630&prev=1671&next=1626

- 蕃茄洋蔥龍脷柳 (oh!! 太多汁,睇唔到龍脷柳嘅)

第二次做這款菜,時間上掌握好了點。有進步!!

- 香煎藕餅

在酒樓吃的是用鯪魚肉做餡料，心急人今次用蝦胶（是自制蝦胶），以心急人的技巧當然失敗啦

，一點也不“胶”，下次都係買鯪魚肉做算了。

－　蒜蓉西蘭花

後記：今次沒有把廚房反轉反轉再反轉，又沒有用盡所有碗碟，比上次好好多了，但mum都話我似打仗咁．．．sigh~~~

Strawberry Jam

心急人在過去兩星期真的十分忙碌

,但過了今日,終於可以鬆一口氣了。(總算福大命大,平安渡過)...在這麼忙碌的日子中,心急人抽了少少時間做了...Strawberry Jam

以下食譜來自蔡師奶 (hehe...又係跟蔡師奶的食譜) (照片又係心急人拍嘅)

士多啤梨果醬

材料：

士多啤梨       454克                三溫糖(可用砂糖代替)             150克

檸檬汁           1.5湯匙

做法：

1) 士多啤梨洗淨抹乾，加入半份三溫糖及檸檬汁攪勻，放入雪櫃至2小時

2) 中火將士多啤梨連糖煮至軟身，收慢火，加入其餘半份三溫糖至溶解，然後開大火，煮至杰身即成

3) 趁熱倒入瓶中 (需預留少許空隙位置，不要倒太滿) ，稍涼後上緊瓶蓋即可

溫馨提示：

1) 如是大粒士多啤梨，在步驟1)，可將士多啤梨一開二

2) 食譜中使用了三溫糖，目的為了增添製成品香味，其實亦可用黃糖代替，冇選擇用白砂糖，白砂糖經過漂白程序，唔太健康呢

3) 自製果醬存放期限：沒有添加防腐劑的食物，保存期始終有限，當然越快完成它是最好啦！

另外，在製作過程中如處理不當，亦會直接影響存放期限，例如瓶中有濕氣，生果洗淨後未有徹底印乾...

一般而言，可存放20-25天

後記:  下次會少放一點檸檬汁,少放一點糖,希望可以做低糖果醬,讓嫲嫲可以放

享用嘛!!

歪理

有關特首上星期三公佈的施政報告,心急人從報章才知道這份施政報告的重點內容。當心急人閱報時看到這個標題"70歲睇私家醫生,一年只獲250元,醫療券被批像施捨",及內文"扶貧措施和長者福利被批評為孤寒和刻薄",心急人真替政府不值。

為什麼醫療費用要政府來承擔呢?老人家的仔女不需要負責嗎?要共產主義嗎?點解自己不想辦法脫貧而要別人去扶貧呢?為什麼這份報紙要把歪理做標題呢?要把這些歪理傳給誰呢?那些泛或是不泛的民主派人士又要說什麼呢?

mum's 爛gag

連續幾日未停過,今晚心急人才剛剛上過一堂Body Funky,十分疲倦。但回到家後,Dad & Mum 竟然使心急人倦氣全消...

,還十分精神啊!

今晚Dad & Mum 正討論今日的股票走勢時,心急人不以為意繼續閱讀"壹週刊",突然聽到他們有以下對話:

Dad: 你真係幽默!!

Mum: 我都冇著襪.....

心急人覺得媽咪愈來愈趣緻啊!!!

第一次

難得有三日假期,連續兩日瞓到11先起身呀!

昨日熊貓小姐同她的男朋友到訪, 原本忌廉賓亦會同女朋友來, 但最後他們放飛機。心急人預了六人份量食物嘛, 現在得四人開餐, 結果抽起"香草蜜糖雞翼"嘞。

今次是心急人第一次真正煮的一餐...總算合格啦!!

是日晚餐

- 南瓜湯 + 蒜蓉包 (冇影大相tim)

- 三色沙律 (食譜來自闊太媽咪) - 朋友們食過都叫好呀!

- 咖哩雞 (咖哩粉購自教協) - 夠辣!!

- 蕃茄洋蔥龍脷柳 - 放鹽多了一點醃龍脷柳,鹹咗少少

兩款主菜配蒜蓉西蘭花+紅米飯 (又冇影相tim)

- 桂花糕 for dessert (原本係椰汁桂花糕,不過心急人唔記得買椰汁)

- fruit

後記:

1. 只是一餐飯啫, 都唔知點解咁疲累, 真要多謝媽咪, 日日煮咁辛苦!!

2. 鍾意

, 但十分非常討厭

, 好彩今次有個靚仔幫手, 多謝哂!!

3. 整花哂, 今晚要