笑笑笑

今日約咗三位讀HR認識嘅同學仔食飯，四人當中有三個係六月生日，特別約出來聚聚啦!!

以往大家都喜歡約星期六去食tea，今次就揀咗食晚飯。原本去鹿嗚春食，因為full哂，所以改去北京酒樓開餐嘞!間酒樓好細、好舊，但好多人，訂咗位都要等半個鐘呢.....不過真係好味道而且價錢又唔貴

(海蜇)

 

(宮保明蝦)

(小龍包)

(雲吞雞鍋 - 裏面有好多隻雲吞)

(火腿津白)

以前返學時，大家一見面就會發生很多趣事，每次返學都會令心急人笑笑笑，放學去食飯更加笑不停呢。今日亦不例外成餐飯都被笑聲包圍，談掌相、面相、宗教...都可以笑足成晚

......食完飯，心急人發覺自己笑到喉沙....

期待下次 - 去食齋，希望唔會嘈到被趕走啦!